s ski w-end esch ou das joor weder en mega erfolg gsi (osser, dass s haefelis ned händ welle woret oder risiko spele ufde heifahrt...) ond dorom dänki geds secher vel z verzelle ond i ha grad es nöis topic ufdo :-) i werde natürli no föteli ond brechte inedue, aber för da bruchi nochli ziit...
hüg nadja
jo s'wucheändi isch guet gsi - mer händs glatt und friedlich gha zäme. ich bin überzügt, dass die spielerinne wo dette gsi sind enand händ chönne nöcher kennelehre und eus das no meh zämeschweisst.
das mitem "wahrheit oder risiko" spieli isch halt en sone sach. wie jedes spieli muess de ziitpunkt richtig si. mech hetts dunkt, dass d'stimmig und d'situation uf de rückfahrt ned richtig gsi isch und dorum hani nei gseit. ehr hetted jo chönne spiele, anstatt wie blöd a eus umestürme. hesch eigentli ned gmerkt dass nur du, nadja, so versässe uf das spieli gsi bisch. wenn du ned eso uf dem bestande hettisch und immer eso bättled hettisch, denn hettemer eus no normal chönne underhalte. aber so isches halt me en gstürm und es nei-säge gsi!
aber au die episode wird die positive iidrück vo dem wucheändi ned chönne trüebe! echhas toll gfunde wie sich immer wieder anderi grüppli bieldet händ. wie d'ziite ighalte worde sind, wie ehr eu gägesiitig ghulfe händ (dene wo früsch ufem brätt gstande sind). mer hett gspürt, dass mer scho länger zäme sind und dass mer eus überhaupt nonig überdrüssig sind!
ich freue mich scho uf s'nöchste johr! müemmer ächt denn am rene sis huus ganz für eus miete, oder es anders lokal sueche?
Ich has au mega loschtig gha ond ha es paari dor da besser kenneglehrt;)
Jo nadle de papi het ganz rächt, das omstörme ond gekreische het met de ziit mega gnärvt. Aber wend der du öppis e chopf gsetzt hesch, denn chasch ned ufhöre bevors erreicht hesch!!! So besch du halt;)
Aber i has ächt mega cool gfonde, er send scho e grobi mannschaft;)
P.S: Sorry vör die woni entüscht ha weli ned so wörkli metkochet ha (gel joe)
@phippu
jo es hett mi schochli möge, dass i für die ganz truppe elei ha müesse choche. aber uf de andere siite chani da au verstoh. wenn mer en sone schoggi job het wie du im schnägge, denn chanme ned plötzlich für en grossi, hungrigi rasselbandi chche. scho grad gar ned, wenn die lüt wie hiäne im rugge stönd und dränged und nach em fuud rüeffe! ;-D
so gseh hesch scho richtig ghandlet und dä i d'chuchi gloh, wo under druck zu bescht form uflauft - MECH!!!!
Hettis ächt weniger räschte gha, wenn de phippu gchochet hetti?
aber d'hauptsach isch jo, dassmer de plausch gha händ und au du, als verträter vode grosse fangmeinschaft, euses team echli besser kenneglärnt hesch.
o ou ich wett no min komentar loswärde.
zum wooret oder risiko game: also i han jo tatchräftigi understötzig gha, also ned nor ich han s gfüel gha es wäri de rechtig momänt gsi, aber easy, ez esch jo scho verbi. ond sowiso händ jo d laura ond ich no öpis z guet bis haefelis, also wärde mer secher mol no zu üsem wooret oder risiko game cho...
mech heds ou gfröit, wie spontan ond gmüetlech das ganze worde esch. mer juniorinne send halt scho gselligi ond met üs cha mer alles mache :-) mer dänked sogar no a üsi fäns ;-)
nöchschd joor send mer secher mega vel ond es wird secher weder mega geilo! jo i dänke i muess den eifach gnueg früeh bueche ond den chöne mer secher ergendwie zwe zemmer ha ond en schlag mache met erwachsne ond eine met de vale, de giuli ect...
öbrigens phippu dere eigeschaft vo mer seit me wellensstärchi ond die esch ned mol so schlächt im soprt ;-) aber ou ich muess säge, i ha scho dänkt, dass velech chli meh machsch die chochi, aber i dänke es esch dra gläge, dass die chochi velech ned ganz dim standart entsproche het....
i dänke ned, dass es weniger räste gä hät bim phippu, osser wenn er velech de chäs ned id sauce inedo hät förd ele, den velech echli weniger räste... :-) aber fein esch es emu scho gsi, a dem esch es ned gläge!
also demfall... grüessli nadja