So Jungs, säget mau was dir vom Golf II hautet????
I bi Golf II GTI fahrer u das us Lib und Seu. I ha e Golf II GTI 1.8 16v Limited Edition usem jahr 1987 u het momentani 255'000km ufem bugu u das no mitem erschte Motor!! Vom auter här merktme de scho gar nüt, dä Motor louft winer neu wär u i ha no niene Roscht endeckt.
Iz säget mau Outotype/marken wo über 300'000km loufe mitem erschte Motor und das ohni Roscht. Da chöiter lang überlege, wöus das gar nid git!!!
I ha schüsch unger mim Profil es Pic vo mim Baby dine......
Wasi scho so aus drane ha gmacht:
KW Gewindefahrwerk Klarglasscheinwerfer mit Fadenkreuz Grill ohne Emblem Grill Spoiler Flegen VASKA 7.5"x16" Gelocht/Geschlitze Bremsscheiben Vorne/Hinten Ferodo SD2500 Bremsbeläge Stahlflexbremsleitungen (Panzerschläuche ;-) ) RS Stange (noch nicht montiert) Fächerkrümmer aus Edelstahl AB Kat Remus Sportauspuffanlage
Nächstes Projekt:
Horag Turbo einbau :-)
Re: Gits e bessere PW aus dr Golf II???
I bi ou Golf II GTI fahrer u muessdr rächt gä Benu
die outos mache kenner Problem
Mine isch es Jahr jünger auso e 88 so wi i u er isch scho gli uf dr 300000 Marge obe u merkt de gar nüt drvo, schnurrt geng no wines "chätzli"
Ha no nit viu drane gmacht afe de ä alag chunt de dri auso äs paar aschtändegi böxli müesse häre
u när aus mit sir zit
gruess dr Generau
Ps: wenis nit vrgisse dueni ouno es foto dri
Re: Gits e bessere PW aus dr Golf II???
ja schteu mau Pics dri!!!
Was hesch de für eine?? e 16v oder 8v???
Re: Gits e bessere PW aus dr Golf II???
e 1,8 16 v
mine isch de rot
aber dine gseht de nit schlächt us muessi säge
Re: Gits e bessere PW aus dr Golf II???
Hehehe das fingeni o!!! Und userdämt hets die Farb nume bis zum 88ger gä u das ire limitierte Uflag. Darum isch dä no grad öpis wärt!!!
Re: Gits e bessere PW aus dr Golf II???
du mit mim rot chöme guet dschwizerchläber zur gäutig woni drufe ha
bi huere zfride mit mim woni ha fahrtsech guet
Re: Gits e bessere PW aus dr Golf II???
sottig kilometerleischtige bringsch mit öppe eme auto ane. au de roscht isch keis problem... ...isch alles e frag wiemer mit em material umgaat
müend oi mal achte, bi de meischte golf2 uf de schtrass lauft de roscht grad abe am heckdeckel und a de schwelle blateret de lagg...
Re: Gits e bessere PW aus dr Golf II???
Das isch e golf2 chrankheit!!!
Da gibder nid rächt!!!
Amene Golf 2 Motor muesch nach ca. 200'000km immerchli ufe oelstand luege, wöu ab den fater e chli afa suufe!! Schüsch muesch chum sache drane mache ussert so chlinikeite wo bi jedem outo dr fau si. Aber grossi investitione muesme chuum mache, wasme de bi angerne viu hüfiger töif i sack mues länge. Auso i ha scho mänge Golf gseh mit 400'000km u das no mitem erschte motor.
Du seisch ja, weme bide angere outos sorg het, de häbe die u mitem roscht sigs o kes problem. Wie wosch ds roschtproblem löse?? Teili useschweisse u nöis dri meche?? U dr ungerbode, wie wosch dä pflege??
Bim golf ischs e so, dr ganz ungerbode isch mitere art harz/plastik schicht übersprützt worde, da fingsch chuum roscht. Ussert äbä dert wome mach ufgschlage het u die schicht verletzt isch worde. Wüsst auso grad kes angers outo wo so ä behandlig het übercho. Evtl. di neuere aber vo denä fömer scho gar nid a redä, wöu bi denä isches ja de meischtens d elektronik wo usschtig!!!
Re: Gits e bessere PW aus dr Golf II???
so underbodeversiglig hät sozäge jedes auto drunder. deet roschted d'auto ja meischtens au nid. problem sind fälz oder chlini näschter wo sich s'wasser chan aasammle und vor sich hii gammle. prädeschtiniert sind schwellene, uufhängigsteili und träger. jedes auto, hät irgendwo sini schwachschtelle wos aafangt...
apropos elektrik, chaschmer erchläre warum fascht jede vw, egal welle typ und wasfür en jahrgang problem hät mit de rückliechter? vw sind di meischte auto wo eis rückliecht nid tuet...
dass d'motore schtandfescht sind chanimer scho vorschtelle. das sind d'chäfermotore au gsi bevor d'produktion uf mexiko usglageret worde isch...
franzosemotore sind übrigens au schtandfescht. im citroenforum häts sottig wo über 1mio km händ uf ihrne motore... mer liest/ghört au immer wieder vo alte mercedes-taxi wo so unglaublichi laufleischtige uufwiised...
Re: Gits e bessere PW aus dr Golf II???
Ehm nei, da chader iz ke antwort gä!!!!??? Wieso de?? Auso i ha iz no nie Problem gha u i fahre täglech vw sowohl privat und o ufder büätz!!!
ja okey, we das mite citrone u mercedes so isch, de muesder wou rächt gä!!!
Aber eis isch klar, mi gseht chum meh so auti outo ufder strass wie dr golf 2!!! Bi üs im kt. bärn isches ömu so! u weme mau e angere pw gseht mit so viu km und eme 80ger jahrgang de isches e verdammt mühli.....