Hehe jo Nissan Skyline GTR isch äs hammer auto aber leider niä id schwitz cho. Zum Porsche... dä Oberhammer äs super geils Auto, aber ich han halt vo meh oder weniger erschwinglichä Autos gschwärmt. Ich mein dä Porsche choschtät grad usä 755'000 ganz neu. Sprengt mis Budget um knapp füfzgtusig frankä ;-)))
ja, erschwinglichi auto woni gern hett gitts natürli au... aber wämer so wunschtechnisch chan übertriibe tueni doch das grad masslos
de porsche wird zur ziit nume vom ferrari enzo topt, wämer d'seriefahrzüg aalueget. aber simmer eerlich, wär chauft sich scho en ferrari wänner gnueg gäld hät. die schportfiat fahrt doch fascht jede...
ja de skyline wär echt cool... de vo 2f2f isch huere geil gmacht
Und weme bitz investiert holsch usm GTR-Mocke so umdi 1000ps use... das gfallt üsm tigo sicher sehr guet... gelle?
Ja, i muess scho säge, Gschmak heit ir Gielä! Cha mi eunä Träum aschliesse, mit söttigne Ragete fahre, isch sicher eimalig!
Mal uf d Wunschlieschte setze!!
Hehe wer mol so dinger will fahrä luägt uf www.driveur.ch hät no äs paar geili Maschinä zum testä.
ich weiss nid öbs die firma no gitt aber en kolleg und ich händ ame andere e viperfahrt gschänkt uf de geburtstag. die firma vermietet so schportwäge für relativ wenig chole.
traumfabrik gheisst dä lade und isch i de nöchi vo rümlang dehei...
nissan 350Z isch o es schöns auto aber äbä o ztür
Nid schlächt Marco! Ä chi ä grusige Farb - u für mi viel, viel z tief, chönnt ja nid meh istige! Was choschtet de die Chischtä? U wie schnell fahrt das Vehikel; isch ja zwar ä Witz, darfsch ja sowiso nid meh als 130 km/h fahre; aber scho z `Gfüehl "är" macht 250 (?) isch halt wahnsinnig.
Hehe yes 350 Z sind aifach geil, han jo au einä under minä Cars.
Putzfrau: Häsch än Link zu därä Garage?
findes nienet. vielicht hät die bude scho zue ta... s'einzig äänliche woni gfunde ha (vielicht ja sogar di gliiche) sind die da... de leitschpruch tönt verdammt äänlich wie dä vo de traumfabrik und de scheff deet hät ois verzellt, dass' no wänd erwiitere mit anderem als autos...