bi de eltere dehei und i de bude isch d'cablecom mit 2Mb am laufe und ich ha mee als 2Mb bandbreiti, wänni uf mini ftp's zuegriffe. ich weiss garnid was ihr alli händ. guet, ab und zue en chliine uusfall aber was sölls. dehei hani adsl und das isch grad so schlimm. dezue chunnt, dass hüüfig d'ip wächslet. ziitewiis im 10min takt. soöpis chani nid ernscht nää... ab und zue kicktsmi eifach mal schnäll use und d'gschwindigkeit bringts au nur grad so mit ach und krach ane. de upload vom adsl chamer ja nid ernscht nä...
so vill zu dene zwei verbindigsarte mit dene provider womer da so händ...
es empfielt sich sowieso e firewall vor s'netzwerk z'hänke. 1. hätmer dänn nid sones popligs usb-modem, wo meischtens nur problem macht und mer müllt d'chischte nid mit no mee triiber zue udn 2. hani no nie welle es grät an beleite netzwerkstecker anehänke. aber umgekeert hani scho welle es usb modem anen voll beleite usb-schteckplatz hänke... d'kabel-bridges oder adsl-modem mit netzwerkaaschluss mached immer am wenigschte problem. sonen chliine nat router mit integriertert firewall (mues ja nüt komplizierts sii - nat und portfilter langet) chunntmer under 100.- über, wämer nid grad in mediamärt gwagglet sondern chli umelueget.
Re: Dein Internetzugang
Jo guät aber wen du würklich dini 2MB häsch, häts aifach kei anderi Lüüt meh wo über dä glich verteilerchaschtä gönd, das chasch imänä Quartier aber nöd vermidä. Mis ADSL hät sit 4 Johr no niä än Usfall gha, guät das chan au glück sie. Wo ich dir sicher zuästimmä isch diä IP gschicht, aber chasch dir jo ä Fixi ip ziä, choschtät halt äs bitz öppis aber wen dihei än ftp wotsch würd ich das scho machä, diä dyndns gschichtä pissäd mich amel andersch ah.
Re: Dein Internetzugang
das mit em verteiler schtimmt scho. bi de eltere im quartier häts irgendwie e verteilerschwämmi. 1 pro 2-3 chliine blöck und das sind nid vill huushält. usserdem sinds zum teil no alti lüüt, wo vermuetli nid vill bis garkei bandbreiti bruuched... da i de bude weissis nid wies verteilermässig uusgseet. isch aber es grössers wohnquartier. vilicht händs da en verteiler mit mee bandbreiti?? kei aanig. solangi d'bandbreiti han ischsmer gliich...
ich brücht nume de bequämlichkeit halber e ip wo chli länger hebet jetzt bini halt amigs chli am töggele
i de bude hämmer en dynamische dns aktiviert und das funktioniert wunderprächtig... weiss garnid wasd häsch...
Re: Dein Internetzugang
Jo nei stimmt scho äs funktioniert, hät mich aifach ahschissä. ;-)