Wie gehts? o.T.
Guten Abend Herr Ryter
Und wie geht es Ihnen geniessen Sie die Ferien?
Grüessli nitli
Ja hollo nitli
Danke für d Nachfrag! Du eigentlich häti i "Ä Cheib voll z'korrigiere". Ha aber nüt gmacht, bis jitz, - ihr heit mi so gstesst ... Bi aber uf em Töff gsi, chasch nacheluege unter Motorrad -> Touren -> Frühlingsfahrt. Sisch ärdeschön gsi!
Ude chunsch mit de Boys klar hie im Forum, s' hett doch scho vinechli Lüt gäh!
Bi alle dankbar wo mitmache, isch doch super u macht Spass!
Machs gut, u lehr mer flissig, mir wei doch ä Top-LAP mache, ja?
Gruess
Ig findes äs super Sach das Forum! Äs macht mega Spass mit denä Lüt chli z plöiderlä. Äs GROSSES LOB a Euch!
U am lehrä bi ig o flissig machä geng einisch ihr Wuchä mit Marco ab u den tüe mir üs gägäsitig abfragä.
Ha aber eifach glich chli bammel!
Grüessli nitli
Hallo nitli
Danke für dini Blueme, mir macht's o Spass, es sötte nume no me vor Schuel mitmache, z.T heimer halt scho trägi Gschtalte! Aber i gibe dr Gloube nid uf, da chöme scho no es paar drzue.
Nid Angscht ha vorder LAP. Ä LAP gits jitze sowiso de nid meh. Bi hüt anere Sitzig gsi: Nöi heisst das "Qualifikationsverfahren"!! Wow, de bisch de öpper!!
Di beschti Therapie gegä Angscht isch ä gueti Vorbereitig, - u das machs du ja!
Los gibem, boxti düre!!
Gruess
Ha scho zu minere Ziit festgstellt, dass sötig wüchentlichi Träffe mit Abfroge am meischte bringe. Mir sind annodazumal z dritte gsi und sind denn bi schönem Wätter mängisch halt es bitz in d Stadt oder an Rhi anstatt z lehre aber händ doch immer öppe über s Thema Bruefskund gschwätzt und so isch doch einiges im Hirni bliebe...händ ämmel alli drei mit emene sächsi in BK abgschlosse Du machsch das dämfalls scho richtig, nitli
Wünsche lange Tage und angenehme Nächte
Ja gäll Rölfi das het nid gänderet! Lehre muesch halt u repetiere bis ds Hirni di Sache gschnappet het.
I bi eine gsi, wo nid ring glehrt het, i ha muesse chrampfe. Anderne geits ring - u mache de nüt...!
ich bi eine vo dene gsii, wos ring hange bliibt, miteme minimale uufwand a ufzgi (amigs nume grad das wo pflicht gsi isch) und usserhalb vom unterricht hani nie gleert uf d'lap. es isch zwar guet usecho e gasmtnote vome 5.4 aber s'schlächte gwüsse und d'angscht woni dänn i dene zimmer ghocket bi bevori gsee ha was chunnt möchti niemerem wünsche. dänn isch no dezue cho, dassmer bi de fachkund mit allne elektroniker usem kanton händ müesse prüefige mache. en grosse teil isch multiple choice gsi und wämer dänn sochli umeglueget hät, händ alli d'chrützli anderscht platziert gha. wo dänn mal en leerer cho isch und gseit hät, es händ all beschtande, ischmer scho en riise schtei vom herz gheit. woni dänn d'note gsee ha, hanis chuum chönne glaube... gleert drus hani aber nüt. i allne schuele woni nach de schtifti no gsii bi, hani mit minimalem uufwand mitgmacht und jewils vor de prüefig es schlächts gwüsse gha...
das mues aber jede sälber wüsse wiener das handhabt. mer hät sicher s'chlinere risiko wämer leert. ich cha das eifach nid. wänn ich anesitze und öpis wott in grind biige gaats nid...
Roger
Ja, das muess Jede/Jedi sälber wüsse, winer sich isetzt. Fescht staht eifach: Jede/Jedi machts für sich, nid für ä Lehrer, nid für ä Chef, ganz eifach für di sälber zum Ufbou vo dire/eure Zuekunft. Bi dir Roger isch d' Rächnig ufgange (aber da isch drum Einiges a Grundwüsse vorhande), -was aber wett nid lersch u de d' Rächnig nid ufgeit?
Und - da war ein grosses Wehklagen unter den Gestrauchelten ...
Wenn de glehrt hesch, us verreckt, hesch vlich Päch gha, ä schlächte Tag; - de muesch dr ke Vorwürf mache, hesch aber äbe nid glehrt de: "Siehe oben" Hetti doch nume...
Drum, wesech eine nid ganz kennt ud Närve voll im Griff het, isch ä Vorbereitig sicher besser: Chunts nid guet usä, ja de mues ig mir o ke Vorwurf mache. Mit Vorwürf a dig sälber läbe -isch gar nid so eifach.
Z' Füü nie la usgah - ä guete Grundsatz!
Da chonemer nao lang witer philosofiere - u wärdes ou!
Gruess
Ds Läbe isch doch wienes Gygamfi oder äs Trampolin, wett di bewegsch, wett schaffisch (o a dir!), - schunsch wider ufe - berchunsch Schwung.
Nid vergässe jungi Lüt
Hehe, bin ich froh han ich scho de gröschti Teil abgschlosse (Modulsystem sei Dank)
Ez hani grad de zweitletschte Tag vo minere Facharbet hinder mich brocht und bi nonig mol würki fertig... Giit no es paar Extrastunde übers Wuchenend
Han wäred minere Lehr eigentli au sälte würklich glernt und immer einigermasse durecho. Ok, defür hani au nöd ganz en 5er-Schnitt wies eigentli müest sii
Ich wünsche eu allne ganz vill Glück für eui Prüefige!!! Ihr schaffed das doch all... au dNitli Nume immer schön zueverichtlich sii...
Gruess Roger