Also ig weis, das ig ä alti Chischte ha, isch zwar no nid ämal 2-jährig, aber das isch im PC-Zytalter halt viel. Nume han ig nid z'Gfüehl geng ds Nöischt müesse zha; - Houptsach äs funktioniert!
Mis PCli isch nume ä:
Pentium 4 2,41 Ghz 1024 Ram, dr Räscht weiss ig nid uswändig. Aber 3 Feschtplatte a 100 GB hani no agschlosse, mit outomatische Sicherigsmodusse, d Homepage isch öppe 4x gsicheret, da isch de zviel Büez drhinder!!
Vorlöifig isch da Göppel schnäll gne, - i geime u zocke ja o nid. Für das hani ke Zyt, (!) schliesslich mues ig eus "Züg" korrigiere...
Allne ä Gruess
Re: wär cha mi pc uberbiätä?
was heiter de fürne Pcmarke???
I ha ä DELL
DELL isch number 1 ufem Markt!!!!!!!!!!
Re: wär cha mi pc uberbiätä?
Mi PC?
Dä isch vom Händler hie z'Thun sälber zämegstellt worde, das ich wahrschinlich ä "Noubody", - du aber er tuet!
Re: wär cha mi pc uberbiätä?
ich hüete mich jemals dell z'poschte. was mir da i de bude eis ärger händ mit dene ihrem chundedienscht isch zum haaröl seiche... ich poschte mini war über oise hardwarelieferant zu händlerkonditione und bin defür z'friede. so ischs nidemal tüürer als de dell-schrott... funktioniert aber...
Re: wär cha mi pc uberbiätä?
Hallo Roger
Schön vo dir z'höre! Du muesch es ja wüsse als Programmierer! - Was ig nid verstaah? Wie seikt me de haaröl (?) sufisch de vorhär das Züg?
Nei im Ärnscht, was heit ihr de im Gschäft für Marke wo dr so z'friede sit, - würd üs interessiere. Was isch zur Zyt ä guete PC, was söll dä chönne? Was ratisch du als Profi?
Gruess
Re: wär cha mi pc uberbiätä?
hihi, das isch intressant, wie di meischte lüüt meined, dassmer als programmierer automatisch au hardwareprofi isch oder supporter...
ich weiss das züg eigentli no vo de ziit woni mee oder weniger ununterbroche am game gsii bi. jetzt ischs eifach no s'inträsse oder dänn informierimi im internet. e gueti siite isch tomshardware
ich chan oi eigentlich i dem sinn kei pc-margge empfehle. wills i dene fertig-chischtene immer irgendwo schrott dine hät zum de priis konkurränzfähig z'phalte. dell wär anundfürsich vo de idee her nid schlächt und mer chan au gueti komponänte drii ha. aber dä chundedienscht isch würkli s'hinderletscht. entschprächend gäbs no maxdata. womer au mit em äänliche prinzip d'komponänte chan zämeschtelle. ich bin aber immerno de meinig, dass de bescht pc dä isch womer sich vo grund uuf mit dene komponänte zämebout womer würkli bruucht. da hilft dänn ebe tomshardware. will bi maxdata und dell muesmer immer irgendwo es kompromissli iigaa. und das will ich nid für dä priis.
so rein vo de technologie her würi mal bi de hd's uf sata und bi de grafik uf pci-e setze. welles de bescht prozi isch isch chli e glaubensfrag. da muesmer halt chli umeluege, welles mainboard das erfüllt womer will und dänn eifach de prozi dezue chaufe. de eint oder ander schwört uf irgend e margge und für dä isches sowieso klar. ddr2 isch bim memory grad voll de hit aber zur ziit lohnt sich de happig uufpriis nonig, will d'boards vo dene möglichkeite garnonig gross profitiered. sie sind nume minimal schnäller. wämer guete sound wott (für studiosoftware bischpilswiis) muesmer immerno e extra soundcharte haa. wänns aber nume mues roore bi de games langet meischtens de onboard sound. harddisk wüüri kei western digital nä. die sind zur ziit nid so langläbig. bi de andere margge beschtönd nur leischtigsunderschiid. da hilft aber au tomshardware.
hoffe, ha chli chönne liecht is dunkel bringe. oder vilicht hani au no mee verwirrt
uf jede fall würi voreme pc-chauf s'internet konsultiere und mich informiere...