Re: 100 jähriger Schütze
RICHTIG!!!! U müglechsch no 3cm vor schultere furt ha, triffsch zwar nüt aber es houter so e richtige siech!! Scho aus usprobiert was schmärze bim schiesse heisst!! :-p
RICHTIG!!!! U müglechsch no 3cm vor schultere furt ha, triffsch zwar nüt aber es houter so e richtige siech!! Scho aus usprobiert was schmärze bim schiesse heisst!! :-p
Uf jede Fall han o ig mit em 31-Karabiner gärn u de no sogar guet gschosse. Das het jitz mit Blöff nüt ztüe, ha äs paar Chränz dermit gschosse. U wett de nid preicht hesch, so hets dr wenigschtens eis ghoue, so dass de gwüsst hesch, dass dä Gagel furt isch!!
Mi Vatter het no dr 11-Karabiner gha, dä hani natürlich no, gibi o nid häre.
Im Eschtich steit jitz no ds umboute (uf 1 Schuss) 57-Sturmgwehr. Das Chlepfschitt hani o nid häregä; das hani nämlich zlang uf em Buggel umetreit, we o di letzte WK / EK / Landsturm meischtens uf em Velo...
Aber immerhin hani genau 532 Tag Dienscht gmacht, - zersch mal mache Giele. Aber dr Fritz wird de da mit anderne Zahle chönne ufwarte, gäll Fritze...
Giele, mues näch mal a paar Föteli vo Flicke zeige, wo ni als Flugzügspängler gmacht ha, aber das Zügs isch ir Schuel. I ha eine vo de beschte Jobs gha im Militär, ha sehr viel glehrt, woni ha chönne im Zivile bruche. So z.B. die ganze Aluminiumverarbeitig, Legierige, Niet- aber o Chläbtechnik. Mini Dienschtzyt isch eigetlich ä dritte Lehrzyt gsi mit enerä Superusbildig, i mir perfekt igrichtete Spenglerei, tief inne ir Kavärne, ische smir wohl gsi. Agschisse hets mi nume, wemer hie und da hei müesse indianerle...
Ha vori im düretöggele Dienschtbildli gfunde. Zeigenech die, - ha sälber müesse grinse.
mich gseetmer im militär mee so... und mir langet das... ich schieb e ruigi chugle woni nur chan...
das isch jetzt dänn aber verbii. ich han nurno 1 wk und es paar täg...
So, so Roger. U weli bisch jitz uf där Foto. Säg ämal, wo isch de dr Töff?? Wieso bisch de du nid bi de Motorradfahrer, he? Gruess
ich bi dä mit de sunnebrülle... ich hett susch auno fötteli woni d'händ im hosesack ha oder woni ame puch aalääne...
woni d'rs gmacht ha, hani weder de auto no de töffbrief gha. drum bini ganz normale soldat ohni fahrerlaubnis. ich muesmer defür au nid überlegge wievill alkohol dassi im uusgang in grind ine läär...
usserdem gitts mini funktion garnümm und drum bini amigs eifach nochli deet. meischtens hilfi de autmeche, willi dur mini funktion au i de werchschtatt iiteilt bi... ab und zue gitts mal öpis elektrischs z'flicke. dännmachi das au obwohls nid zu minere repkompetänz ghört... was machtmer nid alles wänns eim langwiilig isch. hüffig bini no de grill und fressalieorganisierer. das chani au guet... im letschte wk hämmer es halbs fass miteme us altise zämegschweisste roscht als grill brucht. das funktioniert tiptop...
Bezeiche das als typische "Hamol-Ultra-Stellig"! Ha aber dini effektive Funktion no nid begriffe. I weiss scho, dass alles ir Armee im Umbruch isch. Wie het de ursprünglich dine Iteilig gheisse?
Da woni bi gsi, herrscht gänendi Leeri, die Kävärne isch leer. Alli die Bruef u Usbildige für Taranspezialischte usw. gits alli nüme; - dr Mirage isch ja verschrottet.
ich bi funkmech für di alte funkgrät wo du auno kännsch. sitts di neue gitt hani nütme z'tue...
iiteilt bini bi de uufklärer. die mached aber funkmässig sozäge nüt kaputt und d'repetiggette für abtätschti antänne und so züg chönds sälber uusfülle...
Ja - vo wäge Dienschttag. I ha o nume wäge myre Astellig bim Staat gueti siebenhalb (1505 Tag u das mit 7 Aktivtage als Flughafebewacher ds Gänf) Erwärbsjahr chönne Dienscht tue. Als Usglych zu myre Lehrertätigkeit e gueti Sach, tarf i hindedry säge - jawoll. Ohni my militärisch Götti (Generalstabschef aD Heinz Häsler) wäri zwar öppa nie eso wyt cho, wien ig äbe cho bi. Uf der andere Syte heis due das Regimänt, woni hätt sölle übernäh, abgschaffet - hüt ischt o das rächt! Ds Militär isch syt Früehlig 2005 o für mig Gschicht. knefr
sone laufbah im Militär muessme de zersch no härebringe potz da stuneni nume
u ir hütige armee gits ja nüme so viu dienschttäg wi früehcher
aus vränderet sich ja für di eine guet für di angere weniger guet
Angehängt noch ein Müsterchen aus unserer Flughafen-Bewachungszeit! Viel Vergnügen beim Lese. knefr
Wer Lust auf mehr hat - hier noch ein zweites Müsterli aus dem Ogi-Bataillon! knefr
haha, super ischs... so züg cha halt passiere...