hmmm also zum Ferrari chan ich nur eis sägä, wer die alt Passstross vom San Bernardino kennt, weiss das äs extrem engi bögä hät und do schlosch än Töff also no 10 mol schneller um dä Bogä als än Ferrari. Wiäs suscht so i dä Kurvä usgseht chan ich nöd vill sägä, han ufäm Racetrak oder so no niä einä vor mir gha aber ich chönt mir scho vorstellä das diä i dä Kurvä schneller sind. Villicht hät halt dä ander au würklich nöd chönä fahrä, aber isch dä Chef vo dä Elite Zuzwil gsi also jo dä jung darum denk ich dä kennt sich mit denä Fahrzüg rächt us.
Zu euem Usflug mitäm Audi, wenn einä mit mim Hobel oder au mitäm Brüäder sinärä R6 (0-100 ca. 3.6 sek. Theoretisch) würd gasgeh, het ich mol denkt das mitäm Audi nöd vill chance häsch, vorallem nöd wens ufwärts goht, aber mir wärs glich gangä wiä denä zwei, mich pissts ah ufärä Stross wo ich nöd 100% sicher bin das kei Bullä hät, än 160'er go fahrä. Und wens den halt würklich Autofahrer git wo den nöd ihgsehnd das ich theoretisch schneller wär, den lohn ichs liäber, suscht werd ich im schlimmschte fall den no vo hinä abgschossä.
Re: Spielzeug
Tschöö toretto!
Häsch absolut recht!! Han gescht au en Z350 am Ars... gha und das inere Kurve mit ca. 110km/h... rechts blinke, gaaaaanz vorsichtig abbremse und verbii lo die huere Raser... sölleds doch in nögschte Baum fahre! Solangs mich in Ruhe lönd und mich nöd no wänd ärgere weni noloh sölleds mache was wend Söttme sowiso immer mitm Töff. Eifach nöd ärgere lo. Me weiss jo dasme ide meischte Fäll schneller weg chunt. Sich ufes Duell iilah chan zwor Spass mache aber au bös id Hose goh. Miis Ego isch vill zchlii zum mich vo so öppisem beiidrucke zloh
Re: Spielzeug
es gitt immer sottig, wo sich a nüt halted. egal welles fahrzüg.
ich bi bim brüetsch hine ufem töff ghocket, woner no s'L draaghaa hät und da hät ois doch deet bi de uusfahrt rapperswil wos einschpurig wird tatsächlich en bmw über de panneschtreife überholt. es wär 80 und de brüetsch isch no mit knapp 100 underwägs gsii... dä cha vo glück schwafle, bini nid mit em eigne töff underwägs gsi... ich wärem naa und hettem d'meinig giiget
das isch genauso nid suuber, wie ame pass über di uuszoge linie überhole. leider isch d'schmier viel z'wenig vor ort zum sottig a...cher usezhole. sie nämed lieber die wo mit es paar km/h z'schnäll sind oder wo irgend es teili nid ordnigsgemäss iitreit isch am fahrzüg...
Re: Spielzeug
Jep äs git immer lüüt wo uf alläs schissäd. Darum äbä aifach cool blibä und sich nöd provoziärä loh, au wens mengmol huärrä schwer isch. Und äbä geg äs Auto äs Rennä machä isch mir z'blöd, au wenns lauft wiä d'Sau. So zügs ghört aifach nöd uf d'Stross.
Re: Spielzeug
für all die wo immerno meined es auto seig schnäller als en töff lueged mal da... zuegää, es sind erschtklassigi fahrer am werk und es sind sehr exklusivi fahrzüg aber es isch doch en teschtlauf zwüsched auto und töff...
Re: Spielzeug
uZitat: putzfrau für all die wo immerno meined es auto seig schnäller als en töff lueged mal da... zuegää, es sind erschtklassigi fahrer am werk und es sind sehr exklusivi fahrzüg aber es isch doch en teschtlauf zwüsched auto und töff...
Ja guet, Rennstrecki isch öppis anders...;-) Und e MV sowiso....
Re: Spielzeug
Jep isch hammer, wobie mä jo muäs sägä d'MV isch uf dä Strecki also nonig s'Non plus ultra. hehe.