Klettern

Klettern

Was gibt es eigentlich zu sagen darüber... für mich das schönste auf der Welt

Wenn man vom Klettern spricht, redet man hauptsächlich von:

-Sportklettern am Fels/ in der Halle

-Bouldern (Dies ist ohne Seil und hier geht es haupsächlich nur um  verschiedene Züge und Griffe zu Üben/ausprobieren(ÖMU FÜR MI))

-Freeclimbing/ Soloklettern (ganz ohne Seil und meist längere Routen)

-Alpines Klettern (Hier geht es nicht umbedingt um die grosse Schwirigkeit, sondern um sich im Fels fortzubewegen, Haken zwischensicherungen usw selbst zu setzen

-Eisklettern (man Klettert mit Pickel, Steigeisen und diverse Eisgeräte

So hie no es paar biudleni wo ich am climbe bi...

Lift your hands up, lift your hands up, lift your hands up everyboody

Re: Klettern

Hey Stephan, pass de uf dass de da nid abekeisch. Mir ga vorha, BMW-Fahre sigi gfährlich! Das wott du da machsch de öppe nid, he? Supper gfallt mer, aber wie gseit: Pass uf!

Re: Klettern

Herr Ryter...

Ä kolleg wo mit mir chlätteret seit geng uf sernigs: Chlätterä isch weniger gfährlech aus Outofahrä! U vorauem gsünger sigis ohno...heig mau eihne gseit

Lift your hands up, lift your hands up, lift your hands up everyboody

Re: Klettern

Herr Ryter

I ha ersch itz gad no gmerkt dasdr mi name mit ph heit gschribe.....

Stefan

schribt mä mi...

Hmhmh hüt isch schogeils wätter abr d`cheuti... wär haut scho cool gah z`climbe. Naja uf zmau gfriert mä no ah am feus  odr so wie bi dumm und dümmer: oh eis "zunge raus streck an Fels du fest klebe"

Re: Klettern

Hehehe, genau!!! När la gheie wed drane chläbsch :-p

Wie mänge Kilometer hesch de du scho öpä klätteret??

gruss

Re: Klettern

Ds isch no schwirig z`sägä...

I ha ke ahnig u schetzä isch schwirig wi sau wöu z.B imene chlättergartä mah villech 2-6 Routenä a eirä bis zwo Seillenginä chlätteret... wiviu dasi i denä 3 jahr äso ha climbet hanni ke ahnig...

Aber i weiss uf wiviunä Tourenä dasi scho bi gsi  ehm mau zeuä... hua bi mr gad nid ganz sicher obs 8 odr 10 si gsi... ds tönt itz villech nach nid so viu abr es isch schono rächt viu wöu mä haut nume im summer cha gah bi guetem Wätter u es brucht haut viu Zyt (Outo/Zugfahrt, Ufelatsche, Chlätterä, Ufem Gipfu öppis foode, Acheloufe usw....

Auso ich gad es bispiu us derä saison gäh: Mir hei ufs Ärmighore wöue... am 3 am Morge simer gfahre, acho mitem outo am 4.30, ufelatsche 2.5 stung (idämfau am 7.30 si mr bim istig gsi) ds heisst am 8.30 si au ir feuswand am chlätterä gsi, gipfu zyt 16.30, mau öppis ässe bis am 17.00, näre widre abelatsche 3.50 std., outofahre 1.50 std. Tag von 3.00- 22.00

dageisch de ga dusche u ids Näscht nachemnä sernigä Tag...

Re: Klettern

huch, ja das isch äuä eine vode längere tage!!!

Re: Klettern

hm... i bi hüt gad aleini gah chlätterä u es isch Ar....chaut gsi!!!!! Vorauem bisi mau mitem Velo Z`wimmis bi gsi puh hennä gacke...

Ischt halt enso wemä nid cha outofahre!!!  isch eh unggsung... gäuet Herr Ryter

Zum glück wei morn d`Kollegä nid gah chlätterä.... "ironi"

Re: Klettern

Ja STEFAN, da geits mit em BMW mit Sitz- u Griffheizig eifacher... Ach ja, süsch lani de no d' Schibe ganz ueche, da hani sicher nid chalt. Aber äbe bis me so wit isch, muesch halt no ä chli elter wärde.

Hani nid als gläse oder wo steit wo die Foti si gmacht worde. Ali z'Wimmis, geisch da d' Wand ueche?

Re: Klettern

nene da isch gad kes vo wimmis drbi! 1. Wisseflueh 2.Zyperä 3. Süd Frankrich und das bim abseilä bir Mittags-/ Chemiflueh  

chli vor ganze Wäut...

ja abr ds chaut si hets ja hüt ersch gad spannend gmacht...

Re: Klettern

Herr Ryter dir heit üs ja am mittwuch biuder zeigt vom Näbumehr! I bi sehr viu itz i denä Wienachtsferiä ga chlätterä! So hani o es par biudleni gmacht vom näbumeer u süsch vo schöne Momänt!


Lift your hands up, lift your hands up, lift your hands up everyboody

Re: Klettern

Hallo Stefan
Superaufnahmen! Über den Wolken, da wird die Freiheit wohl grenzenlos sein! Beim Betrachten kommen mir diese Schlagerworte von Reinhard May in den Sinn. Es sind hier zwar nicht Wolken, sondern Nebel. Aber für "den" der oberhalb ist, spielt das keine Rolle; - es ist ganz einfach schön.

Pass mir auf bei deinen Kletterübungen; - und dass die Haken immer halten!