Der Spanier steutsäch vor

Halli hallo mitenand

Mi Namä isch Jacobo Alvarez, ig chumä us Spaniä u läbä sit 15 Jahr hiä ir Schwiz. I bi am 1. Novämber 1983 uf d'Wäut cho. D'Schueu hani hiä ir Schwiz gmacht u ha o scho ä Usbiudig im Gastgwärb aus Servicefachagsteut (Käuner) hingermer. Itzä hani no dänkt, i wöug no ä anständiga Bruef lehrä u deswägä hani no ä Zuesatzlehr agfängä, aus Sanitärmonteur. Miner Hobbys si: mit minä Kollegä öppis ungernä, d'Sunnä gniessä (wesi mau fürächunt), Boarden, Schüttälä, frisbälä, badmington spielä u eifach viu vorussä si (ömu im Summer, im Winter weniger).

I wett no aui Schüeler vor Klasse Sam2003a+b Grüessä wo mi Kennä u o die womi nid kennä.

Ä Gruess o am Herr Ryter u i hoffä das dir nid zum Pflichtlehrer mutieret. I ha scho gnuä Pflichtlehrer gha, vo denä Lehrtmä nid ä bruchteil vo däm womä bi euch Lehrt.