läbä sitäm erschtä tag a z stäffisburg(mir si di beschtä!)
nachäm 9tä hani bir Bacher AG d lehr aus Sanitärmonteur agfangä wasi nid beröiä, isch würkläch ä geilä bruäf!
i minärä freizit machi gärn sport. regumäsig machäni landhockey, isch zwar ä wenigerbekanntä sport, abr äs isch geil zum spilä u mä isch ä mannschaft, ufäm fäud u näbäm fäud. vorhär bini 9 jahr lang ä SCHTUPFER gsi(Fussballer) abr äs hettmi nüme so gfläschet u deswägä hani agfangä mit landhockey. bite nid mit roll-odr unihockey verwächslä, mir spilä uf kunstrasä u chli mit angärä schleglä u angärä reglä!!
i minärä freizit brobiäräni mis läbä so z gstaltä dasäs ou spass macht u nid dasi huärä stress ha, das mani nid ha, auso, äs muäss nid ufregänd si äs cha ou guät ä mau gmüätläch si. ja, das bi öbä ig, wär meh wot wüssä söusach mäudä.
gruss römu
Re: Ja, das bini
Hallo Roman
Du hesch zwar scho äs paar Biträg gschrieb gha, schön dass du di ono vostellsch.
Ganz härzlich offiziell
I kenne di ja, - mir zwe hei no äs Stück Wäg voris, bis zur LAP, - u nächher geits de witter z' Stägeli uf. Diä Seigle nämer zäme, i wett dr derbi hälfe.
Mir si di beschte? Wär meinsch, i cha mers vorstelle, aber vilicht seisch no öppis dr zue.
Mi freut, dass du die Bruef gärn hesch, ob er grad geil isch - du seisches mit dr Sprach vo dä Junge -, guet so. Uf jede Fall isches eine vo dä ganz wichtige Brüef, was miechesi äch ohne subers Wasser?! Weisch hesch aber ja one guete Lehrer, wo mitter wot Nägu mit Chöpf ischschla ....
Landhockey machsch? Gsesch das hani nid gwüsst. Dert gits sogar Reglä? Wow! Du, de verzellis doch die Regle z.B. under Sport (isch mer de no lang lieber als Kiffe!)
Was isch das für ne spezielle Schlegel, geit me da ufenand los, so wie d' Fächter he?
Du gsesch Römu, es het Arbeit hie für di, für ä schöni Bruef istah, fürs Hockey (padon Landhockey!) usw.
Bis speter, hiä im Forum, - danke u ne liebe Gruess. Mir gsen is ja ersch nade Ferie wider.
Re: Ja, das bini
Ciao Römu hehe jo ich wünschä den au mol vill Spass und für mich ischäs ebenfalls sehr wichtig das mä Unihockey nöd mit Landhockey verglicht...
Wen das Handgelenk den Verstand beherrscht, kannst du auf ein grosses Kiesbet hoffen.
Re: Ja, das bini
Hallo Tobi
Spielsch de du ou Landhockey? Hesch de da drfür no Zyt - bim ständige Töff fahre, he?
So mitemenä Schlegel em Pöög nachseckle...
Gruess
Re: Ja, das bini
ja, das näm mi itz ou no wunger toretto, spiusch ou lanhockey? wen ja bi wäm?
u ja, d stäffisburger si di beschtä, gäuät herr ryther!?!?!?
Re: Ja, das bini
Nene spillä nöd Landhockey, bin äbä einä vo denä Unihockey spieler. Unihockey isch das i dä Hallä mitäm glochtä ball. Jo leider ischäs fast so das ich vor luter Unihockey kei Ziit me han für dä Töff trainiärä underdessä 5 mol i dä Wuchä under anderem han ich am Samstig morgä d'B-Jun. wo ich Trainiärä isch ä geili und schöni Arbät aber halt au rächt strässig und sobald säb Training verbi isch, muäs ich no is Herre 1 Training. Und grad nögscht Wuchänend stönd für üs d'Ufstiegspiel i die 1. Liga ah. Mol luägä öb mirs schaffäd...
Zum Spiel werd ich den suscht mol no äs paar erklärigä abgeh, mit fötäli etc. ;)
Aber äbä alläs brucht sini Ziit.
Wen das Handgelenk den Verstand beherrscht, kannst du auf ein grosses Kiesbet hoffen.
Re: Ja, das bini
de wünschi dir u dirä mannschaft uf jedäfau viu glück bim ufstig!!!
bi üs faht itz de gad d meischterrundi a, wo dr meischterttitu unger 4 manschaftä usgmacht wird!
Re: Ja, das bini
Dankä für d'Glückwünsch das chönd mir bruchä.
Wünschä eu ebefalls alläs Glück wos brucht für dä Titel.
Wen das Handgelenk den Verstand beherrscht, kannst du auf ein grosses Kiesbet hoffen.
Re: Ja, das bini
mir bruchä ke glück, mir wüsä dasmr bessr si, abr z letschtjahr simr mitärä fauschä istellig ufä platz, zwöimau sä gschlagä mit 15:1 u 13:0 u im final nach penauty 5:4 verlorä!mir si den scho im biär gsi mit dä gedankä!!!
Re: Ja, das bini
Ja lueg liebe Römi, ä Mätsch isch erscht fertig, we dr Schusspfiff chunt. Du, das weiss sogar ig!! "Hochmut kommt vor dem Fall", - vo wäge mir bruche kei Glück, - gwinnet afe einisch.